ഒരിക്കല് ഒരു ന്യൂ ജനറേഷന് ബാങ്കില് കളക്ഷന് എക്സിക്യൂട്ടീവായി പാക്കരന് ജോലി വാങ്ങിച്ചുകൊടുക്കാമെന്നു അവിടുത്തെ ജീവനക്കാരനും പാക്കരന്റെ സുഹൃത്തുമായ രഞ്ജിത്ത് ഏറ്റു. ഇന്റര്വ്യൂ ദിവസം രഞ്ജിത്തിനൊപ്പം കുളിച്ചു കുട്ടപ്പനായി പാക്കരന് രാവിലെ ബാങ്കില് ചെന്നു. ഇടപാടുകാര്ക്ക് വിശ്രമിക്കാനുള്ള കസേരകളിലൊന്നില് പാക്കരനെ ഇരുത്തിയിട്ട് രഞ്ജിത്ത് മാനേജറെ കാണാന് കാബിനിനുള്ളിലേക്ക് പോയി.
രഞ്ജിത്ത് തിരിച്ചു വന്നപ്പോള് വളരെ പ്രായം ചെന്ന ഒരു പാവം സ്ത്രീയോട് ബാങ്കിലെ ഒരു ഉദ്യോഗസ്ഥന് കയര്ക്കുന്നത് കണ്ടു. "മുഴുവനും എഴുതി തെറ്റിച്ചിരിക്കുകയാണ്!" അയാള് ഉറക്കെ പറയുന്നുണ്ടായിരുന്നു.
"എനിക്കു അറിഞ്ഞുകൂടാത്തത്കൊണ്ടാണ് മക്കളേ" വൃദ്ധ കരഞ്ഞു.
"നിങ്ങളോട് ഞാന് പറഞ്ഞതല്ലേ വിവരമോ വിദ്യാഭ്യാസമോ ഉള്ള ആരെയെങ്കിലും കൊണ്ടെഴുതിക്കാന്"
ഈ സമയംകൊണ്ട് ബാങ്കിലെ മുഴുവന് ജീവനക്കാരുടെയും കസ്ടമര്മാരുടെയും ശ്രദ്ധ അങ്ങോട്ടായി.
"അയ്യോ സാറേ... ഇത് ഞാന് എഴുതിയതല്ല. ദോ ആ ഇരിക്കുന്ന സാറിനെ കൊണ്ടെഴുതിച്ചതാ!"
വൃദ്ധ ചൂണ്ടിയ സ്ഥലത്തേക്ക് നോക്കിയ രഞ്ജിത്ത് കണ്ടത് ഇന്സര്ട്ട് ചെയ്തു ഷൂസും കെട്ടി പോക്കറ്റില് കൂളിംഗ് ഗ്ലാസ്സുമായി ഒന്നുമറിയാത്ത പോലെ ഇംഗ്ലീഷ് പത്രം തലതിരിച്ചു പിടിച്ചു വായിച്ചുകൊണ്ടിരിക്കുന്ന പാക്കരനെ!
രഞ്ജിത്ത് വൃദ്ധയോട് കാര്യം തിരക്കി. അവര്ക്ക് ബാങ്കില് നിന്ന് പതിനായിരം രൂപ പിന്വലിക്കണം. അതിനു ചെക്കില് TEN THOUSAND എന്ന് ഇംഗ്ലീഷില് എഴുതണം. ഇത്രേ വൃദ്ധ പാക്കരനോട് ആവശ്യപ്പെട്ടുള്ളു. പാക്കരന് പതിനായിരത്തിനെ ഇംഗ്ലീഷില് ആക്കിയത് ഇങ്ങനെ "P-A-T-I-N-A...". തുടക്കം ഇങ്ങനെ. അവസാനഭാഗം ഇംഗ്ലീഷ് പ്രൊഫസര്മാര്ക്ക് പോലും വായിക്കാന് പറ്റാത്ത എന്തോ ഇംഗ്ലീഷ്.
രഞ്ജിത്തിന്റെ കണ്ണു തള്ളി. ഇവനെയാണല്ലോ ഈശ്വരാ ഇവിടെ ജോലിക്ക് കേറ്റാന് ഞാന് ശ്രമിച്ചത് എന്ന് ഉള്ളില് പിറുപിറുത്തുകൊണ്ട് പാക്കരനെ അറിയാത്ത ഭാവത്തില് രഞ്ജിത്ത് അവിടെ നിന്നും ഓടി രക്ഷപ്പെട്ടു.
wow pathinayiram is a collection of therries - pati-nayi-ram . two therries and one name. heehee.
ReplyDelete